Pleyeri seçin:
Türkiyədə bir gecədə iki dəhşətli qəza
Türkiyənin Bursa şəhərində tələbələri daşıyan avtobusun aşması nəticəsində 3 nəfər ölüb, 44 nəfər isə xəsarət alıb.
Hadisə yerinə təcili yardım cəlb edilib, yaralılar xəstəxanalara çatdırılıb. Bursa valisi Yakup Canbolat avtobusun maneəyə çırpılaraq aşdığını bildirib.
O qeyd edib ki, hadisə zamanı avtobusda 47 nəfər olub. Onlardan 3-ü müəllim olub. Məlumata görə, sərnişinlər arasında müəllimlərin övladları da olub.
Mayın 1-nə keçən gecə həmçinin Türkiyənin Sinop şəhərindən Kastamonu şəhəri istiqamətində hərəkət edən sərnişin avtobusu idarəetməni itirərək yol kənarındakı su kanalına aşıb.
Bildirilib ki, hadisə yerinə təcili yardım, polis və xilasetmə qrupları cəlb edilib. Yaralılar dərhal Sinopda yerləşən Atatürk Dövlət Xəstəxanasına çatdırılıb. Qeyd edək ki, onlardan birinin vəziyyəti ağırdır.
Kopyalandı
#Türkiyə teqi istifadə olunub
Seçilmişlər
