Hadisə
Pleyeri seçin:
Xəzərlə tiryək daşıyanlar saxlanıldı
Qazaxıstan Milli Təhlükəsizlik Komitəsinin əməkdaşları Xəzər dənizi vasitəsilə respublikaya tiryək daşıyan beynəlxalq narkotik sindikatını zərərsizləşdiriblər. Bu barədə qurumun mətbuat xidməti məlumat yayıb.
Bildirilib ki, əməliyyat martın 26-da Manqistau vilayətində keçirilib. Milli Təhlükəsizlik Komitəsi və “A” xüsusi təyinatlı dəstəsinin əməkdaşları narkotrafikin təşkilatçısını və əlbir olduğu üç şəxsi saxlayıblar. Su nəqliyyatına baxış zamanı 30 kq-dan çox tiryək və 10 bağlamada psixotrop maddə aşkar edilib.
Milli Təhlükəsizlik Komitəsi əməliyyatın bəzi təfərrüatını açıqlayıb. Məlumata görə, Qazaxıstan ərazisinə dəniz yolu ilə tiryək və digər qadağan olunmuş maddələrin çatdırılması üçün stabil kanalın təşkilinə əcnəbi vətəndaşlar cəlb ediliblər.
Kopyalandı
Seçilmişlər
