Amerika Kuboku: Argentina - Kolumbiya matçı

Amerika kubokunda 2024-cü ilin final qarşılaşması keçirilib.

Qalibi müəyyənləşdirəcək matçda Argentina və Kolumbiya yığmaları üz-üzə gəliblər.

Mayami şəhərində təşkil olunan görüşün əsas vaxtında qapılar önündə qol vəziyyətləri yaransa da, hesab açılmayıb. Bu səbəbdən əlavə 30 dəqiqə oynanılıb. Burada isə “albiseleste” kolumbiyalıların müqavimətini qıra bilib.

Lautaro Martinezin 112-ci dəqiqədə vurduğu qoldan sonra üstünlüyünü qoruyan Argentina millisi ardıcıl 2-ci, ümumilikdə isə 16-cı dəfə Amerika kubokunun qalibi olub. 23 ildən sonra ilk dəfə finala yüksələn Kolumbiya kollektivi isə gümüş medallarla kifayətlənib.