Andrey Lunyov "Qarabağ"ın qarşısına bu tələbi qoydu

“Qarabağ” müqaviləsi yayda başa çatacaq Andrey Lunyovu komandada saxlamaq üçün danışıqlara start verib. Bu barədə yerli KİV-də xəbərlər yayılıb.

Lakin iddia olunur ki, klubla futbolçu arasında bəzi anlaşılmazlıqlar var. Belə ki, hazırda illik 200 min dollar məvacib alan futbolçu yeni sözləşməyə görə qazancının 3 dəfə artırılmasını, yəni 600 min dollar olmasını tələb edir. “Qarabağ” isə bu məbləğin azaldılmasına çalışır.

Bildirilir ki, əgər tərəflər arasında razılıq əldə olunmasa, A.Lunyov Rusiyaya qayıdaraq yerli klublardan biri ilə anlaşacaq.