AVRO 2024 | İngiltərə - İsveçrə matçı

AVRO-2024-də 1/4 finalın növbəti oyunu Düsseldorf şəhərində keçirilib.

1/8 finalda son Avropa çempionu İtaliyanı məğlub edən İsveçrə millisi İngiltərə yığması ilə qarşılaşıb.

Görüşə hər iki tərəf sürətli hücumlarla başlayıb. Fasiləyədək qapılar qarşısında təhlükəli vəziyyətlər yaransa da, hesab açılmayıb. Qarşılaşmada ilk qol 75-ci dəqiqədə vurulub. Bril Embolo isveçrəliləri irəli çıxarıb. Buraxılan topdan sonra İngiltərə yığması təzyiqi artırıb. Nəticədə 80-ci dəqiqədə Bukayo Saka tarazlığı bərpa edib: 1-1.

Qalan vaxtda başqa qol olmadığından əlavə 30 dəqiqə oynanılıb. Lakin tərəflər burada da fərqlənə bilməyiblər. Belə olan halda 11 metrlik zərbələr yerinə yetirilib. Burada isə britaniyalılar daha dəqiq olublar.

Beləliklə, qarşılaşmada qalib gələn İngiltərə millisi AVRO-2024-ün yarımfinalına adlayıb.