AVRO-2024 | İspaniya - Almaniya matçı

Almaniyada keçirilən futbol üzrə Avropa çempionatında 1/4 final mərhələsinin ilk oyunu baş tutub.

Ştutqartda keçirilən görüşdə Almaniya və İspaniya milliləri üz-üzə gəliblər.

İngiltərəli referi Entoni Teylorun idarə etdiyi qarşılaşmanın ilk hissəsində qapılar önündə təhlükəli vəziyyətlə yaransa da, hesab açılmayıb.

İkinci yarıda “qırmızı furiya” üstülük qazanıb. 51-ci dəqiqədə Dani Olmo fərqlənməyi bacarıb. Lakin “bundestim” 89-cu dəqiqədə Florian Virtsin qolu ilə tarazlığı bərpa edib.

Əsas vaxt 1-1 hesablı bərabərliklə bitdiyi üçün əlavə 30 dəqiqə oynanılıb. Burada isə İspaniya millisi 2-ci dəfə Almanların qapısına yol tapmağı bacarıb. Mikel Merino “qırmızı furiya”nı yarımfinala yüksəldən qolun müəllifi olub.