Pleyeri seçin:
Avropa Liqasında 1/4 finalın cavab matçları olub
UEFA Avropa liqasında yarımfinalın cavab qarşılaşmaları keçirilib.
Gecənin ən maraqlı matçında “Mançester Yunayted” “Lion”u qəbul edib. “Old Trafford” arenasındakı oyunun əsas vaxtı 2-2 hesabı ilə bitib.
Tərəflər arasında Fransadakı görüşdə də eyni hesab qeydə alındığı üçün əlavə 30 dəqiqə oynanılıb. Burada isə “Lion” ardıcıl 2 qol vuraraq hesabı 4-2 etsə də, mankunianlar dönüş ediblər. Əvvəlcə Brunu Fernandeş, bir qədər sonra isə Kobbi Maynu və Harri Maquayr fərqlənib. “Mançester Yunayted” ‒ “Lion”: 5-4.
İki matçın yekununa əsasən 7-6 hesabı ilə güclü olan “qırmızı şeytanlar” yarımfinala yüksəlib.
Digər oyunların nəticələrinə əsasən, Norveç təmsilçisi “Budyo Qlimt”, habelə İngiltərənin “Tottenhem” və İspaniyanın “Atletik Bilbao” klubları mərhələ adlayıblar.
Yarımfinalda “Mançester Yunayted” “Atletik”lə, “Tottenhem” isə “Budyo Qlimt”lə mübarizə aparacaq.
Kopyalandı
#Lion FK teqi istifadə olunub
