Avropa Liqasında ilk turun oyunlarına yekun vurulub
UEFA Avropa liqasında ilk turun maraqlı oyunlarından biri “Ayaks” və “Marsel” arasında olub.
“Amsterdam Arena”da keçirilən görüşdə 6 qol vurulub. İlk hissənin əvvəlində “Ayaks” Forbs və Bergisin topları ilə 2-0 hesablı üstünlük əldə etsə də, qonaqlar fasiləyədək Klauss və Obameyanqın qolları ilə tarazlığı bərpa ediblər: 2-2.
52-ci dəqiqədə Teylor amsterdamlıları yenidən irəli çıxarıb. Ancaq Fransa təmsilçisi məğlubiyyətdən qurtula bilib. Dubl edən Obameyanq həm də yekun nəticəni müəyyənləşdirib. “Ayaks” – “Marsel”: 3-3.
E qrupu çərçivəsində Avstriyaya səfər edən “Liverpul” yerli LASK-la görüşdə 14-cü dəqiqədə hesabda geriyə düşsə də, yekunda əzmkar qələbə qazanıb. 2-ci yarıda təzyiqi artıran “qırmızılar” Nunyez, Dias və Salahın qolları ilə 3-1 hesabı ilə qalib gəlib.
İngiltərənin digər təmsilçisi “Brayton” isə öz meydanında məğlub olub. Yunanıstanın AEK klubunu qəbul edən “qağayılar” qonaqlardan Sidibe, Qaçinoviç və Ponsenin qollarına Joao Pedronun dublu ilə cavab veriblər. “Brayton” – AEK: 2-3.
Qeyd edək ki, Avropa liqasında 2-ci turun oyunları oktyabrın 5-i keçiriləcək.
#UEFA Avropa liqası teqi istifadə olunub
- “Roma” klubu ardıcıl 3-cü ev oyununda da məğlub oldu
- “Fənərbağça” Avropa Liqasında “Ştutqart”ı minimal hesabla məğlub etdi
- "Roma" Fransada "Nitsa" komandasını I turun matçında məğlub etməklə ən çox qələbə qazanan klub oldu
- Azərbaycan klubları avrokuboklarda 500-cü qolu vurub
- "Sabah" Avropa Liqasının ilk oyununda məğlub oldu
