Azərbaycan çempionatının növbəti turunun püşkü atıldı

Azərbaycan Premyer Liqasının 2025/2026-cı illər mövsümünün püşkatma mərasimi keçirilib.

Mərasimdə Peşəkar Futbol Liqasının (PFL) texniki idman direktoru Elgiz Abbasov, PFL-in media və marketinq direktoru Sənan Abdullayev, həmçinin Yarışların təşkili və qeydiyyat şöbəsinin rəhbəri Elçin Mehdiyev iştirak ediblər.

Elgiz Abbasov yeni mövsümlə bağlı detallı məlumat verib. Daha sonra püşkatmaya start verilib.

34-cü dəfə keçiriləcək və 12 komandanın – “Qarabağ”, “Zirə”, “Sabah”, “Sumqayıt”, “Neftçi”, “Turan Tovuz”, “Qəbələ”, “Araz-Naxçıvan”, “Kəpəz”, “Şamaxı”, “Karvan” və “İmişli”nin iştirak edəcəyi çempionatın ilk turunda bu cütlüklər qarşılaşacaq:

“İmişli”-“Turan Tovuz”, “Neftçi”-“Şamaxı”, “Sabah”-“Qarabağ”, “Sumqayıt”-“Kəpəz”, “Karvan”-“Qəbələ”, “Zirə”-“Araz Naxçıvan”.