Azərbaycan klublarının dünya reytinqində mövqeləri açıqlanıb
“Qarabağ” klubunun dünya reytinqində mövqeyi açıqlanıb.
Beynəlxalq Futbol Tarixi və Statistikaları Federasiyasının tərtib etdiyi yeni siyahıda “köhlən atlar” 67-ci yerdə qərarlaşıb. Əvvəlki reytinqlə müqayisədə 5 pillə irəliləyən Ağdam təmsilçisi “Monako”, “Tottenhem”, “Lion”, “Ştutqart” və “Beşiktaş” kimi məşhur komandaları qabaqlayıb.
Digər klublarımızdan “Zirə” 219-cu, “Sabah” 409-cu, ilk dəfə bu siyahıda yer alan “Turan Tovuz” isə 496-cı yerdədir.
Ümumilikdə 502 kollektivin olduğu sıralamaya Çempionlar liqasının son qalibi “Real Madrid” başçılıq edir. 388 xalı olan İspaniya nəhəngi ən yaxın izləyicisi, ötən mövsüm Avropa liqasını qazanan “Atalanta”nı 11 xal qabaqlayır. 3-cü pillədə Almaniya çempionu “Bayer Leverkuzen” qərarlaşıb.
Bundan başqa, ilk onluqda İngiltərənin “Mançester Siti” və “Liverpul”, İspaniyanın “Barselona”, Almaniyanın “Borussiya Dortmund”, İtaliyanın “İnter”, eləcə də Braziliyanın “Botafoqo” və “Flamenqo” klubları mövqe tutublar.
#Qarabağ FK teqi istifadə olunub
- “Qarabağ” klubuna gözlənilməz transfer | Yeni idman xəbərləri - Baku TV
- “Qarabağ”ın hücumçusu meydanlara nə vaxt qayıdacaq? - Yeni idman xəbərləri
- Qurban Qurbanovdan mühüm açıqlamalar | “Sabah” necə tarix yazdı? | Yeni idman xəbərləri - Baku TV
- "Neftçi" geridönüş edə biləcək? | "İdmanda nə baş verir?"də qarşıdakı vacib matç müzakirə olundu
- "Qarabağ"ın baş direktoru Əmrah Çelikəl sualları cavablandırdı - Baku TV
