Azərbaycan millisi Qazaxıstan yığması ilə qarşılaşıb

Azərbaycan minifutbol millisi Bosniya və Herseqovinada təşkil olunan Avropa çempionatında növbəti matçını keçirib.

Baş məşqçi Elşad Quliyevin oyunçuları 1/4 finalda Qazaxıstan kollektivi ilə qarşılaşıblar.

Gərgin mübarizə ilə əlamətdar olan görüşün əsas vaxtı ərzində hesab açılmayıb. Bu səbəbdən penaltilər seriyasına ehtiyac yaranıb. Burada isə Qazaxıstan seçməsi 7-6 hesabı ilə güclü olub.

Beləliklə, 2022-ci ildə baş tutan turnirdə qızıl medalları qazanan komandamız budəfəki qitə çempionatı ilə 1/4 final mərhələsində vidalaşıb.