Pleyeri seçin:
Azərbaycanın iki boksçusu Astanada keçirilən Dünya Kubokunda 1/4 finala yüksəlib
Azərbaycanın iki boksçusu Qazaxıstanın paytaxtı Astanada keçirilən Dünya Kubokunda 1/4 finala vəsiqə qazanıb.
30 ölkənin 300-ə yaxın idmançısının qatıldığı yarışa Azərbaycan millisinin 2 boksçusu qələbə ilə başlayıb.
60 kiloqramda Məhəmmədəli Qasımzadə 1/8 finalda Cənubi Koreya idmançısı Donqvan Yanqı məğlub edib. Boksçumuz 5-0 hesabı ilə qalib gəlib. O, ikinci görüşündə Dominikan Respublikasından olan Yohan Aquera ilə döyüşəcək. +90 kiloqram çəki dərəcəsində Məhəmməd Abdullayev isə Monqolustandan olan Byeknur Xalini mübarizədən kənarlaşdırıb.
Milli üzvümüz 5-0 hesabı ilə qələbə qazanaraq 1/4 finala yüksəlib. M.Abdullayev bu mərhələdə ilk görüşdən azad olan Taeunq Yu ilə üz-üzə gələcək. Sözügedən rəqib cənubi koreyalıdır.
Beləliklə, hər iki qarşılaşma iyulun 3-də olacaq.
Kopyalandı
