Bakıda cüdo üzrə "Böyük Dəbilqə" turnirinə yekun vurulub

Bakıda təşkil olunan cüdo üzrə “Böyük Dəbilqə” turnirinə yekun vurulub.

Yığmamız yarışı 1-i qızıl, 1-i gümüş və 3-ü bürünc olmaqla ümumən 5 mükafatla tamamlayıb.

Bu nəticə ilə yalnız Yaponiya və Almaniya təmsilçilərindən geri qalan komandamız medal əyarına görə 3-cü yeri tutub.

Xatırladaq ki, Milli Gimnastika Arenasında keçirilən turnirdə cüdoçularımızdan Zelim Tçkayev 81 kq çəkidə qızıl medal qazanıb. 73 kq çəkidə qüvvəsini sınayan Rəşid Məmmədəliyev yalnız finalda uduzaraq gümüş mükafatla kifayətlənib. Əhməd Yusifov, Elşən Əsədov və Vüsal Qələndərzadə isə bürünc medala yiyələnib.

Qeyd edək ki, 3 gün davam edən “Böyük Dəbilqə”də 38 ölkədən 270 cüdoçu mübarizə aparıb. Ölkəmiz bu yarışda 12 çəki dərəcəsində 24-ü kişi və 9-u qadın olmaqla 33 idmançı ilə təmsil olunurdu.