“Barselona”nın ulduzu 100 milyon avroya klubdan gedəcək?

10 mart 2025 204 baxış

“Barselona”nın liderlərindən Rafinya karyerasını Səudiyyə Ərəbistanında davam etdirə bilər.

28 yaşlı vinger “Əl-Hilal”ın maraq dairəsindədir.

İspaniya mediasının məlumatına görə, bu klub braziliyalı futbolçuya illik 15 milyon avro ödəməyə hazırdır. Rafinyanın keçidə razılıq verəcəyi təqdirdə “Barselona”ya 100 milyon avroluq təklif göndəriləcək. Lakin “blauqrana” oyunçusunu itirmək niyyətində deyil.

İddia olunur ki, kataloniyalılar mövsümün sonunda ona yeni müqavilə təklif etməyə hazırlaşır.

Qeyd edək ki, cari sözləşməsi 2027-ci ilədək olan Rafinya 2022-ci ildən komandadadır. 58 milyon avroya “Lids Yunayted”dən cəlb olunan futbolçu 127 matça qatılıb. O, bu görüşlərdə 45 qol və 48 assistlə yadda qalıb. Təcrübəli vinger komanda ilə İspaniya superkubokunda 2, La Liqada isə 1 dəfə qələbə qazanıb. Rafinya 2021-ci ildən çağırıldığı Braziliya millisinin də vacib üzvüdür. Yığmada 31 oyuna çıxan futbolçu 10 qolun müəllifidir.

#Barselona FK