“Barselona”nın ulduzu “Qalatasaray”a qoşulacaq
“Qalatasaray” klubu “Barselona”nın ulduzu İlkay Gündoğanı heyətinə qatacaq.
Bu barədə Türkiyə mətbuatında xəbərlər paylaşılır. Bildirilir ki, “blauqrana”da özünü xoşbəxt hiss etməyən İlkay “Qalatasaray”a keçidə müsbət yanaşır.
İddia olunur ki, “sarı-qırmızılar” futbolçu ilə artıq şəxsi razılıq əldə ediblər. İstanbul təmsilçisi 33 yaşlı yarımmüdafiəçi ilə 2 illik müqavilə imzalamağa hazırlaşır.
Qeyd edək ki, İlkay Gündoğan ötən ilin yayından “Barselona”da çıxış edir. “Mançester Siti”dən azad agent kimi cəlb olunan yarımmüdafiəçi 47 matçda 5 qol və 12 məhsuldar ötürmə müəllifi olub. Cari mövsümdə “Barsa” ilə heç bir mükafata yiyələnə bilməyən futbolçu karyerasının əsas uğurlarını “şəhərlilər”lə qazanıb. O, “Siti”də oynadığı müddətdə Premyer Liqa, İngiltərə Kuboku, Liqa kuboku və Çempionlar Liqasında qalib gəlib.
![icon](/images/loading.png)