Braziliyalı futbolçu Vinisius Junior gələn yay "Real"dan gedəcək

Vinisius Junior növbəti yay “Real Madrid”dən ayrılacaq.

“El Gol Digital” portalının yaydığı məlumata görə, o, gələn yay “Əl-Əhli”yə qoşulacaq.

İddia olunur ki, Səudiyyə Ərəbistanı klubu bunun üçün “Real”a 1 milyard avro ödəməyə hazırdır.

Braziliyalı vingerin müqaviləsindəki bəndə əsasən, məhz bu məbləğ qarşılığında istənilən komanda onu heyətinə qata bilər. Bu baş versə, Vini 222 milyon avroya PSJ-yə keçən Neymarı qabaqlayaraq tarixə ən bahalı transfer kimi düşəcək.

Sözügedən saytın xəbərində bildirilir ki, “Real”ın prezidenti Florentino Perez Vininin gedişinə etiraz etmir. Lakin bu, yalnız 1 milyard avroluq ödənişdən sonra baş tuta bilər.

Qeyd olunur ki, “Əl-Əhli” oyunçunun özünə də fantastik məbləğ təklif etməyə hazırdır. Vinisiusun potensial gəliri illik 200 milyon avro qazanan Kriştiano Ronaldodan çox olacaq. Bununla da, o, ən çox məvacib alan futbolçu adına yiyələnəcək.