Bu stansiyalarda... | “Qarabağ”ın matçı ilə bağlı metroda hansı işlər görüləcək? - Baku TV

Yanvarın 21-də Tofiq Bəhrəmov adına Respublika Stadionunda baş tutacaq “Qarabağ” – “Ayntraxt” oyunu ilə əlaqədar “Bakı Metropoliteni” gücləndirilmiş iş rejimi tətbiq edəcək.

Bu barədə “Bakı Metropoliteni”nin Hərəkət Xidmətinin rəisi Anar Zamanov jurnalistlərə açıqlamasında bildirib.

Məlumata görə, arenaya yaxın Gənclik stansiyasında, həmçinin 28 May və Nəriman Nərimanov stansiyalarında əlavə tədbirlər görüləcək.

“Azarkeşlərin çoxluğu və oyunun gec saatlara qədər davam edəcəyi nəzərə alınaraq, Metropolitenin iş fəaliyyəti yanvarın 21-dən 22-nə keçən gecə saat 01:00-dək uzadılacaq.

Oyun bitdikdən sonra sərnişinlərin rahat, təhlükəsiz və sürətli daşınmasının təmin edilməsi məqsədilə xüsusi növbəçiliklər təşkil olunacaq. Həmçinin xəttə ehtiyat qatarlar buraxılacaq”, – deyə A.Zamanov sözlərinə əlavə edib.