İdman
Pleyeri seçin:
Çempionlar liqası: “Qalatasaray” çətinliklə məğlubiyyətdən xilas olub
UEFA Çempionlar liqasının A qrupunda yer alan “Qalatasaray” ilk turun matçında “Kopenhagen”i qəbul edib.
“Rams Park” arenada keçirilən oyunda hesab 35-ci dəqiqədə açılıb. Mohammed Elyunussi qonaqları irəli çıxarıb. İlk yarı Danimarka təmsilçisinin minimal üstünlüyü ilə yekunlaşıb.
58-ci dəqiqədə Dioqu Qonsalveş 2-ci topu “sarı-qırmızılar”ın qapısından keçirib. 73-cü dəqiqədə “Kopenhagen” azlıqda qalıb. Elias Yelert 2-ci sarı vərəqə ilə meydandan uzaqlaşdırılıb.
Bundan sonra təzyiqi artıran “cimbom” 86-cı dəqiqədə toplardan birinin əvəzini çıxıb. Saşa Boe fərqlənib. Az sonra isə Tete tarazlığı bərpa edib: 2-2. Qalan vaxtda başqa qol olmadığından matç bu hesabla yekunlaşıb.
Qeyd edək ki, “Qalatasaray” növbəti turda “Mançester Yunayted”in qonağı olacaq. “Kopenhagen” isə “Bavariya”nı qəbul edəcək.
Kopyalandı
Seçilmişlər
