Çempionlar liqası - "Qalatasaray" - "Bavariya" matçı

UEFA Çempionlar liqasında qrup mərhələsinin 3-cü turunda “Qalatasaray” klubu “Bavariya”nı qəbul edib.

“Rams Park” arenasında keçirilən matçda hesab artıq 8-ci dəqiqədə açılıb. Kinqsli Koman “rekordmayster”ə üstünlük qazandırıb.

“Sarı-qırmızılar”ın cavabı yarımsaatın tamamında gəlib. Mauro İkardi 11 metrlik cərimə zərbəsini dəqiq yerinə yetirib. İlk hissə 1-1 hesabı ilə başa çatıb.

73-cü dəqiqədə Harri Keyn münhenliləri yenidən irəli çıxarıb. Az sonra Camal Musiala 3-cü topu “cim-bom”un qapısından keçirib. Görüş Almaniya komandasının 3-1 hesablı qalibiyyəti ilə yekunlaşıb.

A qrupunun digər oyununda isə “Mançester Yunayted” “Old Trafford”da “Kopenhagen”i 1-0 hesabı ilə məğlub edib. Bu nəticələrdən sonra “Bavariya” 9 xalla liderliyini davam etdirir. 5 xal az toplayan Türkiyə nəhəngi isə 2-ci yerdədir.

Qeyd edək ki, “Qalatasaray” növbəti turda Münhendə “Bavariya”nın qonağı olacaq. “Kopenhagen” isə “Mançester Yunayted”i qəbul edəcək.