Çempionlar liqasında yarımfinalın son iştirakçıları müəyyənləşir

Bu gün UEFA Çempionlar liqasında yarımfinalın son iştirakçıları müəyyənləşəcək.

İspaniyada keçirilən və 3-3 hesabı ilə bitən matçın revanşında “Real Madrid” “Mançester Siti”nin qonağı olacaq.

“Etihad Stedium”da baş tutacaq oyuna “kral klubu” ciddi itkilərlə çıxacaq. David Alaba və Tibo Kurtua zədə, Orelyen Çuameni isə vərəqə cəzalısı olduğu üçün görüşdə iştirak etməyəcək. “Şəhərlilər” isə qarşılaşmaya tam heyətlə hazırlaşır.

Qeyd edək ki, Bakı vaxtı ilə saat 23:00-da başlayacaq matçı italiyalı məşhur referi Daniele Orsato idarə edəcək.

Gecənin digər oyununda “Bavariya” Münhendə “Arsenal”ı sınağa çəkəcək. Londondakı görüşdə 2-2 hesablı sülhə razılaşan komandalar “Alyans Arena”da üz-üzə gələcəklər. “Rekordmayster” bu qarşılaşmada zədəli Kinqsli Koman və Serj Qnabri, eləcə də cəzalı Alfonso Deyvisin köməyindən istifadə edə bilməyəcək. Topçularda isə Martin Ödeqor və Bukayo Sakanın meydana çıxması sual altındadır.

Niderlandlı Danni Makkellinin idarə edəcəyi bu matçın start fiti Bakı vaxtı ilə saat 23:00-da veriləcək.