Pleyeri seçin:
Cessika Qədirova Avropa çempionatında 3 qızıl medal qazandı
Azərbaycan əsilli idman gimnastı Cessika Qədirova Türkiyədə keçirilən Avropa çempionatında parlaq nəticəyə nail olub.
Böyük Britaniyanı təmsil edən Cessika Antalyada təşkil olunan turnirdə 3 qızıl medal qazanıb. Döşəmə üzərində hərəkətlərdə bütün rəqiblərini qabaqlayan 18 yaşlı idmançı fərdi çoxnövçülükdə də 1-ci olub.
Bundan başqa, Böyük Britaniya yığması komandalararası mübarizədə də qalib gəldiyi üçün Cessika aktivinə 3-cü qızıl medalı yazdırıb.
Qeyd edək ki, 2021 və 2022-ci illərdə keçirilən qitə çempionatlarında da fəxri kürsünün ən yüksək pilləsinə qalxan C.Qədirova həm də ötən il Liverpulda baş tutan Dünya Çempionatında qələbə qazanıb.
Kopyalandı
