“Çətinlikdən qorxsaydım, idmanda olmazdım” | Paralimpiya çempionu Orxan Aslanov

13 sentyabr 2024 472 baxış

“Bu, tək mənim yox, xalqımızın qələbəsidir”.

Bunu Baku TV-yə açıqlamasında Paris-2024 Yay Paralimpiya Oyunlarının uzunluğa tullanma üzrə qızıl medalçısı Orxan Aslanov deyib.

“Yarışdan əvvəl özümə çox əmin idim. Sadəcə bunu əvvəlcədən bildirməyi, mən udacağam deməyi sevmirəm. Çünki həmişə belə deyəndə alınmır”, – deyə o qeyd edib.

O.Aslanov Paralimpiya Oyunları zamanı xəstələndiyini, yarışa qızdırması olduğu halda çıxdığını deyib:

“Bu məni bir az narahat edirdi, uğur qazana bilmərəm deyə düşünürdüm. Bəlkə də, buna görə nəticəm bir az zəif oldu. Amma şükürlər olsun ki, qızıl medal qazandım. Lakin dünya rekorduna yaxın nəticə əldə etmək istəyərdim”.

29 yaşlı idmançı bildirib ki, növbəti Paralimpiya oyunlarında iştirak etmək niyyətindədir:

“Los-Anceles Paralimpiadasına kimi bu formamı saxlamaq üçün əlimdən gələni edəcəyəm. Çətin olacaq, amma çətinlikdən qorxsaydıq, idmanda olmazdım”.

#Paris-2024 Yay Paralimpiya Oyunları