İdman
Pleyeri seçin:
Cüdoçumuz Hidayət Heydərov Fransada olimpiya çempionu olub
Cüdoçumuz Hidayət Heydərov olimpiya çempionu olub.
Finalda fransalı Joan Benjamen Qaba ilə qarşılaşan təmsilçimiz rəqibini məğlub edərək Paris-2024-ün qızıl medalına yiyələnib.
Bununla da Hidayət 4 illiyin zirvə yarışında ölkəmizə ilk mükafatı qazandıran idmançı olub.
Qeyd edək ki, turnirə 1/8 final mərhələsindən başlayan H.Heydərov ilk görüşündə israilli Tohar Bitbulu məğlub edib. 1/4 finalda kanadalı Artur Marqelidonla üz-üzə gələn idmançımız bu mərhələdə ipponla qalib gəlib. Yarımfinalda isə kosovolu Akil Qyakova cüdoçumuzla bacarmayıb.
Xatırladaq ki, Hidayət Heydərov bu il Birləşmiş Ərəb Əmirliklərinin Əbu-Dabi şəhərində keçirilən dünya çempionatının qalibidir. Bundan başqa, o, 3 dəfə mundialların bürünc mükafatına yiyələnib.
Kopyalandı
Seçilmişlər
