Pleyeri seçin:
Dünya çempionatında 6 medal qazanan ciu-citsu ustalarımız Vətəndə
Xəbərlərimizi Google-da izləyin
Yeniliklərdən dərhal xəbərdar olun
Polşanın Mikolov şəhərində keçirilən kombat ciu-citsu üzrə dünya çempionatında uğurla çıxış edən yığmamız Vətənə dönüb.
İdmançılarımızı Heydər Əliyev adına Beynəlxalq Hava Limanında ailə üzvləri, idman ictimaiyyətinin nümayəndələri və jurnalistlər qarşılayıblar.
Qeyd edək ki, noyabrın 28-dən dekabrın 1-dək keçirilən mötəbər tədbirdə ölkəmizi Daxili İşlər Nazirliyinin İdman Cəmiyyətinin 9 idmançısı təmsil edib.
36 yaşdan yuxarı idmançılar arasında Ceyhun Hüseynov “full contact”, Ramin Yusifov və Məğrur Əhmədov isə “ground fight” versiyasında qızıl medal qazanıblar.
Rafiq Qəmbərov 16-17 yaşlı idmançıların mübarizəsində “ground fight” versiyasında üçüncü olub. Qadınlar arasında yarışın “self defence” versiyasında İlahə Vəliyevə birinci, Günay Məmmədova isə üçüncü yeri tutub.
Beləliklə, yığmamız yarışı 4-ü qızıl və 2-si bürünc olmaqla, 6 medalla başa vurub.
Kopyalandı
Seçilmişlər
