Pleyeri seçin:
Dünya çempionu Mats Hummelsin yeni klubu məlumdur
Almaniyalı ulduz futbolçu, 2014-cü il dünya çempionatının qalibi Mats Hummels karyerasını İtaliyada davam etdirəcək.
35 yaşlı mərkəz müdafiəçisi “Roma” klubu ilə 1 illik müqavilə imzalayıb. “Canavarlar” məşhur oyunçunun keçidi barədə artıq rəsmi məlumat veriblər. Mats paytaxt təmsilçisində 15 nömrəli formanı geyinəcək.
Qeyd edək ki, Hummels daha əvvəl “Borussiya Dortmund”da çıxış edirdi. 2019-cu ildə “Bavariya”dan transfer olunan futbolçu 2-ci dəfə qoşulduğu “sarı-qaralar”la Almaniya kuboku və superkubokunun qalibi olub. Daha əvvəl 2008-2016-cı illərdə “Borussiya”nın uğurları üçün çalışan Mats həmin dövrdə 2 dəfə Bundesliqanı qazanmaqla yanaşı, ölkə kuboku və superkubokunda qələbəyə sevinib. 2016-2019-cu illərdə “Bavariya”da top qovan müdafiəçi “rekordmayster”lə də yerli kubokların sahibi olub.
Kopyalandı
Seçilmişlər
