İdman
Pleyeri seçin:
Eduard Məmmədov 11-ci dəfə WAKO Dünya Kubokunun sahibi olub
Azərbaycan Respublikası Daxili İşlər Nazirliyinin İdman Cəmiyyətinin İdman-təlim şöbəsinin rəisi, polis polkovnik-leytenantı Eduard Məmmədov Türkiyədə keçirilən WAKO versiyası üzrə Dünya Kubokunda tarixi uğura imza atıb.
“Master klass” kateqoriyası üzrə 63 kq çəki dərəcəsində mübarizə aparan Eduard Məmmədov yarışda 2 qızıl medal qazanıb.
İstanbul şəhərində baş tutan turnirdə "Layt kontakt” və “Kik Layt” versiyalarında ümumən 5 döyüş keçirən titullu idmançımız finalda İsveç təmsilçisi Ola Alvarssonu məğlub edib.
Bununla da Eduard Məmmədov karyerasında 11-ci dəfə WAKO versiyası üzrə dünya kubokunun sahibi olub.
Bu möhtəşəm qələbəsindən sonra Eduard Məmmədov Milli Məclis sədrinin müavini, Azərbaycan Kikboksinq Federasiyasının fəxri prezidenti Adil Əliyevə və Azərbaycan Kikboksinq Federasiyasının prezidenti Orxan Əliyevə təşəkkür edib.
Kopyalandı
Seçilmişlər
