Elvin Cəfərquliyev üçün “Qarabağ”a təklif göndəriləcək

“Qarabağ”ın əsas heyət oyunçularından Elvin Cəfərquliyev karyerasını Türkiyədə davam etdirməyə yaxındır.

Mediada yayılan məlumata görə, 23 yaşlı futbolçu “Alanyaspor”un əsas transfer hədəfidir.

Bildirilib ki, sözügedən kollektiv Elvin üçün Ağdam təmsilçisinə rəsmi təklif göndərməyə hazırlaşır.

Qeyd edək ki, bir müddət əvvəl aqressiv hərəkətlərinə görə tənqid olunan E.Cəfərquliyevin “köhlən atlar”la müqaviləsi 2026-cı ilə qədərdir. “Transfermarkt” portalına görə, onun dəyəri isə 750 min avrodur.

Xatırladaq ki, 2017-ci ildən “Qarabağ”ın üzvü olan Elvin bütün yarışlarda 141 matçda komandanın formasını geyinib. Bu görüşlərdə 7 qol və 23 asist müəllifi olan müdafiəçi 3 dəfə Azərbaycan çempionatında qalib gəlib. 2021-ci ildən millimizə də çağırılan E.Cəfərquliyev 18 oyunda 1 qolla yadda qalıb.