İdman
Pleyeri seçin:
Gənc cüdoçumuz Könül Əliyeva Avropa çempionu olub
Azərbaycanlı cüdoçu Könül Əliyeva gənclər arasında Avropa çempionu olub.
İdmançımız Estoniyanın paytaxtı Tallində keçirilən yarışa 1/8 finaldan start verib.
48 kiloqram çəki dərəcəsində çıxış edən Könül ilk görüşündə Türkiyə təmsilçisini məğlub edərək 1/4 finala adlayıb. Burada Rumıniya, yarımfinalda isə Fransa nümayəndəsindən güclü olan K.Əliyeva həlledici mərhələyə yüksəlib.
Finalda türkiyəli idmançı Zilan Ertemi məğlub edən Könül fəxri kürsünün ən yüksək pilləsinə qalxıb.
Qeyd edək ki, sentyabrın 8-dək davam edəcək turnirdə 39 ölkədən 210-u oğlan və 160-ı qız olmaqla ümumən 373 idmançı mübarizə aparır. Ölkəmiz Avropa birinciliyində 11 çəki dərəcəsində 9 oğlan və 7 qız idmançı ilə təmsil olunur.
Kopyalandı
Seçilmişlər
