Güləş Federasiyasının prezidenti Mikayıl Cabbarov idmançıları təbrik edib

18 aprel 2025 383 baxış

Güləş üzrə Avropa çempionatında 4-ü qızıl, 2-si gümüş və 7-si bürünc olmaqla 13 medal qazanan milli komandalarımızın üzvləri və məşqçilərlə görüş keçirilib.

Tədbirdə iştirak edən Güləş Federasiyasının prezidenti, iqtisadiyyat naziri Mikayıl Cabbarov Azərbaycan Respublikasının Prezidenti İlham Əliyevin möhtəşəm qələbə münasibətilə güləşçilərə təbriklərini çatdırıb, uğurların davamlı olmasını arzulayıb.

Qeyd olunub ki, dövlət başçısının diqqət və qayğısı ilə ölkəmizdə idmanın inkişafına hərtərəfli şərait yaradılıb. Bu isə idmançılarımıza, o cümlədən güləşçilərə yüksək nəticələrə nail olmağa böyük stimul verir.

Daha sonra Federasiyanın rəsmiləri və məşqçilər qitə çempionatı ilə bağlı təəssüratlarını bölüşüblər. Bildirilib ki, dövlət rəhbərliyi səviyyəsində güləşin inkişafına hərtərəfli dəstəyin göstərilməsi bu idman növünə marağın artmasına, eləcə də təmsilçilərimizin uğurlu çıxışlarına təkan verir.

#Mikayıl Cabbarov