Pleyeri seçin:
Güləşçimiz Elmir Əliyev Avropa çempionu oldu
İspaniyada keçirilən 20 yaşadək güləşçilər arasında Avropa çempionatında təmsilçimiz Elmir Əliyev qızıl medal qazanıb.
55 kq çəkidə çıxış edən yunan-Roma güləşçimiz əvvəlcə fransalı İliyan Aynaunu məğlub edib. 1/4 finalda türkiyəli Muhammet Emin Çakıra 10-1 hesabı ilə qalib gələn Elmir yarımfinala yüksəlib. Bu mərhələdə ermənistanlı Homeros Arakelyandan 8-0 hesabı ilə güclü olan E.Əliyev həlledici görüşə vəsiqə qazanıb. Burada isə ukraynalı Marko Voloşini tam üstünlüklə məğlub edən pəhləvanımız Avropa çempionu olub.
Bundan başqa, yarışın ilk günündə daha 3 idmançımız medala yiyələnib. Nümayəndələrimizdən Davud Məmmədov 77, Məzaim Mərdanov isə 130 kq çəkidə finala yüksəlsələr də, burada uduzaraq 2-ci yeri tutublar. Daha bir güləşçimiz, 63 kq-da mübarizə aparan Fəraim Mustafayev isə bürünc mükafatın sahibi olub.
Kopyalandı
