Güləşçimiz Həsrət Cəfərov "Paris 2024"də bürünc medalın sahibi olub

Yunan-Roma güləşçimiz Həsrət Cəfərov Parisdə təşkil olunan Olimpiadada bürünc medal qazanıb.

67 kq-dək çəkidə qüvvəsini sınayan pəhləvanımız mükafat uğrunda görüşdə qırğızıstanlı Amantur İsmayılovla üz-üzə gəlib. Bu mübarizədən qalib ayrılan Həsrət ölkəmizin aktivinə növbəti medalı yazdırıb.

Qeyd edək ki, “Paris-2024”ə 1/8 finaldan start verən Həsrət Cəfərov burada misirli Mohamed Elsayeddən güclü olub. 1/4 finalda moldovalı Valentin Petiçə qalib gələn güləşçimiz yarımfinalda Ukraynanı təmsil edən azərbaycanlı idmançı Pərviz Nəsibova uduzub.