Həbibin təşkilatında çempion olan azərbaycanlı
“Kəmərlə Azərbaycana qayıtmaq, bayrağımızı qaldırmaq hissini ancaq qələbə qazananlar bilər. Mən də kəməri çoxdan gözləyirdim”.
Bu sözləri Baku TV-yə açıqlamasında Azərbaycanlı MMA döyüşçüsü, “Eagle FC”nin yeni çempionu Ramin Sultanov deyib.
“Eagle FC 54” turniri çərçivəsində rusiyalı Maqomed Kurbanovla görüşdə 4 raund davam edən döyüşün sonunda qalib gələn həmyerlimiz öz çempionluq yolundan bəhs edib:
“Mən inanmasaydım, bəlkə də, döyüşməzdim. Hər döyüşə çıxanda özümə inanıram. Planımız başqa cür idi. Həmişə döyüşün 5 raund davam edəcəyini fikrimdə tuturam. Çünki əgər rəqibin üzərinə tez hücum etsəm, gücüm qalmayacaq”.
Döyüşçümüz daha da yüksəklərə qalxmaq, Azərbaycanda tarix yazmaq istədiyini söyləyib.
Qeyd edək ki, Ramin Sultanov MMA karyerası ərzində keçirdiyi doqquz döyüşdə qələbə qazanıb, cəmi bir dəfə məğlub olub.
![icon](/images/loading.png)