Pleyeri seçin:
Horner qovuldu, Verstappen qaçmaq istəyir | "Red Bull"da nə baş verir? - İDMANDA NƏ BAŞ VERİR?
“İdmanda nə baş verir?” podkastının yeni buraxılışında “Formula 1” üzrə dünya çempionatı haqqında fikir mübadiləsi aparılıb.
Podkastın qonağı, “Formula 1” mütəxəssisi Rəhim Əliyev Kristian Hornerin rəhbəri olduğu “Red Bull” komandasından gedişi haqda danışıb:
“K.Hornerin komandadan getməsi gözlənilməz oldu. O, “Red Bull”u qısa müddətdə yüksək səviyyəyə qaldırmışdı. 20 ilini həmin komandaya həsr edən bir adamı qovmaq qəbuledilməzdir. Onun xidmətlərini nəzərə almaq lazım idi. Hazırda “Red Bull” gözümüzün önünüdə tənəzzülə uğrayır”.
O həmçinin Maks Ferstappenin “Red Bull”dan ayrılaraq “Mercedes”ə keçməsi haqqında yayılan xəbərlərə münasibətini bildirib:
“Maks Ferstappen “Red Bull”da heç kimin təsəvvür edə bilməyəcəyi uğurlar, nailiyyətlər qazandı. Komandanın hazırladığı maşını yalnız o sürə bilir. M.Ferstappenin komandanı tərk edəcəyinə inanmaq istəmirəm. “Red Bull”da vəziyyət o qədər pisdir ki, o, komandadan canını qurtarmaq istəyir”.
Kopyalandı
Seçilmişlər
