İngiltərə Premyer liqasında çempionun adına aydınlıq gəlib
İngiltərə Premyer liqasında 2023/2024-cü illər mövsümünün çempionu müəyyənləşib.
Sonuncu turda “Vest Hem”i qəbul edən lider “Mançester Siti” səhvə yol verməyib. “Etihad Stedium”da baş tutan və Fil Fodenin dubl etdiyi matçda “şəhərlilər” 3-1 hesablı qələbə qazanıblar.
Paralel keçən görüşdə “Arsenal” da qalib gəlsə də, “topçular”ı 2 xal qabaqlayan “mankunianlar” tarixdə 10-cu dəfə ölkə çempionu olublar. Ardıcıl 4-cü mövsümdə qızıl medallara yiyələnən baş məşqçi Xosep Quardiolanın kollektivi həm də bu baxımdan yeni rekord müəyyənləşdirib.
Qeyd edək ki, tarixinin ən uğurlu dövrünü keçirən Mançester klubu Quardiolanın rəhbərliyi ilə ümumilikdə 6-cı dəfə Premyer liqanı qazanıb. Bundan başqa, ispaniyalı mütəxəssis komanda ilə Liqa kuboku, İngiltərə kuboku və superkuboku, eləcə də Çempionlar liqası, UEFA superkuboku və klublararası dünya çempionatında qalib gəlib.
#Mançester Siti FK teqi istifadə olunub
- Erlinq Haaland İngiltərə Premyer Liqasında rekorda imza atdı - Baku TV
- "Arsenal"a çox da əhəmiyyət vermirik" | “Mançester Siti”nin futbolçusundan iddialı açıqlama
- Erlinq Holann ÇL-də 3 fərqli klubda ardıcıl 5 oyunda fərqlənən ilk futbolçu olub
- Türkiyə millisinin üzvü Arda Güler bu dəfə onun hədəfində
- “Tottenhem“ “Mançester Siti“nin braziliyalı vingerini heyətinə qatmaq cəhdlərini davam etdirir
