Pleyeri seçin:
İstanbul derbisində 2 qol | "Qalatasaray" evində "Beşiktaş"ı qəbul edib
Futbol üzrə Türkiyə Super Liqasında İstanbul derbisi baş tutub.
VIII tura təsadüf edən prinsipial matçda "Qalatasaray" öz meydanında "Beşiktaş"ı qəbul edib. Qarşılaşmada qalib müəyyənləşməyib – 1:1.
Oyunda hesabı 12-ci dəqiqədə qonaqların heyətində Temmi Abraham açıb. 34-cü dəqiqədə ev sahibləri azlıqda qalıblar. Davinson Sançes birbaşa qırmızı vərəqə ilə meydandan qovulub.
Buna baxmayaraq, "Qalatasaray" məğlubiyyətdən qaça bilib. 54-cü dəqiqədə İlkay Gündoğan fərqlənərək hesabı bərabərləşdirib. Qalan dəqiqələrdə isə tərəflər qapılara yol tapa bilməyib.
Bu nəticədən sonra Okan Burukun komandası 22 xalla turnir cədvəlinə başçılıq edir. "Beşiktaş" isə 13 xalla 5-ci pillədə yer alır.
Kopyalandı
Seçilmişlər
