Joan Laporta “Real”ın futbolçusu üçün danışıqlara başlayıb
“Real Madrid”in ukraynalı qapıçısı Andrey Lunin “Barselona”nın transfer gündəmindədir.
Müvafiq xəbəri “Defensa Sentral” portalı yayıb.
Bildirilir ki, “blauqrana”nın prezidenti Joan Laporta Luninin agenti Jorje Mendeşlə danışaraq potensial keçidin mümkünlüyü barədə məlumat alıb. Laporta “Real”da nadir hallarda əsas heyətə düşən Andreyi Mark Andre ter Ştegenin yerinə transfer etməyi düşünür.
Hələ ki oyunçunun transferlə bağlı mövqeyi məlum olmasa da, “Real”ın onu komandada saxlamaq istədiyi vurğulanır. “Kral klubu” ukraynalı qolkiperi 32 yaşlı Tibo Kurtuanın əvəzləyicisi kimi görür.
Qeyd edək ki, Madrid təmsilçisi ilə müqaviləsi 2026-cı ilədək olan Andrey Luninin dəyəri təqribən 20 milyon avrodur. Ötən mövsüm komandanın Çempionlar liqasını qazanmasında vacib rol oynayan qapıçı cari mövsümdə cəmi 10 görüşə qatılıb. Ümumilikdə 58 matçda yer alan futbolçu “Real”la La Liqa, İspaniya superkuboku, Çempionlar liqası və UEFA superkubokunun ikiqat qalibidir.
#Real Madrid FK teqi istifadə olunub
- Viktor Osimhen “Qalatasaray”ın texniki heyətini sevindirib | Yeni idman xəbərləri
- "Turan Tovuz" Avropaya yollana biləcək? | Arda Gülər rekord qırdı - Yeni idman xəbərləri - Baku TV
- Məşhur futbolçu “Roma” klubunu tərk edəcək | Yeni idman xəbərləri - Baku TV
- Bu barədə İspaniya mediası məlumat yayıb
- “Biz Münhendə qalib gələcəyik” | Alvaro Arbeloa
