Kərim Benzema ərəb azarkeşlərə təqdim olundu

Səudiyyə Ərəbistanının “Əl-İttihad” klubu fransalı ulduz Kərim Benzema üçün təqdimat mərasimi keçirib.

Bununla əlaqədar təşkil olunan xüsusi tədbirə 62 mindən çox azarkeş qatılıb. Futbolsevərlərə təşəkkür edən veteran hücumçu onlara ötən ilin yekunlarına dair qazandığı “Qızıl top”u nümayiş etdirib.

Qeyd edək ki, tədbirin maraqlı hissələrindən biri K.Benzemanın görüşlərdə istifadə etdiyi əl sarğısı ilə bağlıdır. Təşkilatçılar fransalı oyunçunun əlini xatırladan xüsusi art-obyekt hazırlayıblar.