"Köhlən atlar" ilk dəfə pley-off mərhələsinə vəsiqə qazanıb - Baku TV
UEFA Çempionlar Liqasının əsas mərhələsinin sonuncu turu çərçivəsində “Qarabağ” səfərdə “Liverpul”un qonağı olub.
Güclü rəqibi qarşısında bütün cəhdlərinə baxmayaraq, Qurban Qurbanovun yetirmələri böyükhesablı məğlubiyyətdən qaça bilməyiblər.
Görüş Aleksis Makallesterin dublu ilə yanaşı, Florian Virtz, Muhammed Salah, Hüqo Ekitike və Federiko Kyezanın qolları sayəsində “Liverpulun” 6-0 hesablı qələbəsi ilə yekunlaşıb.
Məğlubiyyətə baxmayaraq, 10 xala malik “Qarabağ” klubu 22-ci yerlə tarixində ilk dəfə Çempionlar Liqasının pley-off mərhələsinə adını yazdırmağı bacarıb.
İstanbulun “Qalatasaray” klubu da son turda ingilis təmsilçisi ilə qarşılaşıb. “Cimbom” “Mançester Siti” ilə doğma azarkeşləri önündə oynamasına baxmayaraq, 90 dəqiqənin tamamında 0-2 hesablı məğlubiyyətlə barışmalı olub. Ancaq 10 xala malik “Qalatasaray” 20-ci yerlə adını pley-offa yazdırıb.
#UEFA Çempionlar Liqası teqi istifadə olunub
- Qurban Qurbanov oyundan öncə mətbuatın önünə çıxdı - Baku TV
- “Qarabağ” bu gün “Liperpul”la üz-üzə gələcək
- "Qarabağ" "Liverpul"a qarşı: Statistika və tarix yeni qarşılaşma öncəsi nə deyir? - Baku TV
- Çempionatda mübarizə gərginləşir | "Kəpəz" ölkə futbolu üçün nə vəd edir? - İDMANDA NƏ BAŞ VERİR?
- Xabi Alonso və Qurban Qurbanov dueli baş tuta bilər - Baku TV
