Kriştiano Ronaldo ilə şəkil çəkdirən 10 yaşlı Berat cəzalandırıldı

AVRO-2024-ün Türkiyə-Portuqaliya oyununda meydana daxil olaraq Kriştiano Ronaldo ilə şəkil çəkdirməklə məşhurlaşan uşağa cəza verilib.

UEFA-nın qərarına əsasən, 10 yaşlı Berat Uluğ yarışın digər matçlarından uzaqlaşdırılıb.

Bildirilir ki, azarkeşin yaşının az olması səbəbindən ona cinayət işi açılmayacaq. Lakin azyaşlı fanat AVRO-2024-ün qalan görüşlərində tribunada ola bilməyəcək.

Qeyd edək ki, F qrupu çərçivəsində keçirilən Türkiyə-Portuqaliya qarşılaşmasında daha bir neçə azarkeş meydana daxil olaraq Ronaldo ilə şəkil çəkdirmək istəyib. Bunu nəzərə alan UEFA Kriştianonun iştirak edəcəyi matçlarda təhlükəsizliyi gücləndirməyə qərar verib.