Leandro Andrade karyerasını Türkiyədə davam etdirəcək?

“Qarabağ”ın kabo-verdeli ulduzu Leandro Andrade karyerasını Türkiyədə davam etdirə bilər. 24 yaşlı yarımmüdafiəçi “Beşiktaş” və “Fənərbağça”nın hədəfindədir.

Bildirilir ki, L.Andradenin müqaviləsindəki bəndə əsasən, istənilən klub 4 milyon avro ödəyərək onu transfer edə bilər. Türkiyə təmsilçiləri isə keçidə görə daha az məbləğ ödəmək niyyətindədir.

Qeyd edək ki, Rusiya komandalarının da diqqət mərkəzində olan Leandronun “köhlən atlar”la müqaviləsi 2027-ci ilə qədərdir.