Mahir Emreli "Qarabağ" - "Dinamo" matçı barədə açıqlama verdi
"Qarabağ" istəkli rəqibə qarşı oynayır. Avropada da özündən söz etdirib. Bu, təmsilçimizin keçə biləcəyi rəqibdirmi? Əlbəttə. Biz "Qarabağ"a hər zaman inanmışıq".
Bunu "Report"a müsahibəsində Azərbaycan millisinin futbolçusu Mahir Emreli "Qarabağ"ın bu gün "Dinamo"ya qarşı keçirəcəyi Çempionlar Liqasının pley-off mərhələsinin cavab matçı barədə danışarkən deyib.
27 yaşlı hücumçu ilk qarşılaşmadakı nəticənin oyuna görə olmadığını vurğulayıb:
"Bəlkə də üçüncü qol artıq idi. Əvvəlki açıqlamamda Zaqreb təmsilçisinin nəticəyə oynayan təcrübəli komanda olduğunu demişdim. Bu turnirləri təhlil edib yaxşı baş çıxara bilirlər. Keçən il mən orada olanda uğursuzluqlarımız olmuşdu. Avropa Liqasında evdə Çexiyanın "Sparta" klubuna 3:1 qalib gəlsək də, səfərdə 1:4 hesabı ilə uduzmuşduq. Belə hallar da olur. Düşünürəm ki, hər komanda belə dönəmdən keçir. "Dinamo" çox yaxşı formadadır".
Qeyd edək ki, "Qarabağ" - "Dinamo" görüşü bu gün, saat 20:45-də start götürəcək. Zaqrebdəki ilk qarşılaşmada meydan sahibləri üç cavabsız qolla qalib gəlib.
#Mahir Emreli teqi istifadə olunub
- Zaqatalada dəhşətli hadisə | Mahir Emrelinin dayısı oğlunun meyiti necə tapıldı?
- Mahir Emreli "Kayzerslautern" klubundan ayrılmaq istəyir?
- Azərbaycan millisinin futbolçusu Mahir Emreli Almaniyaya yollanıb
- Azərbaycan millisinin futbolçusu Mahir Emreli Almaniyada turun rəmzi komandasına düşüb
- Mahir Emreli yollarını ayırdığı “Nürnberq”lə bağlı fikirlərini bölüşüb
