Pleyeri seçin:
“Milan” Divok Origi ilə müqaviləyə xitam verəcək
İtaliya A Seriyası təmsilçisi “Milan” hücumçu Divok Origi ilə müqaviləni ləğv etmək üzərində işləməyə davam edir.
Belçikalı futbolçunun qış transfer pəncərəsi açılanda "Milan" klubundan ayrılacağı gözlənilir. Artıq tərəflər arasında anlaşmaya erkən xitam verilməsi şərtləri ilə bağlı şifahi razılıq əldə olunub.
Origi 2022-ci ilin yayında “Liverpul”dan “Milan”a keçib. O, 2022/2023 mövsümündə İtaliya klubunun heyətində 36 oyuna çıxıb və 2 qol vurub. Forvard uzun müddətdir yaşıl meydanlara çıxmır və onun klubla hazırkı müqaviləsinin müddəti bu mövsümün sonuna kimi nəzərdə tutulub.
Kopyalandı
