İdman
Pleyeri seçin:
MMA Döyüşçümüz Mirəli Hüseynov kəmər döyüşündən qalib ayrılıb
Azərbaycanlı MMA döyüşçüsü Mirəli Hüseynov “Night of Champions” yarışında qələbə qazanıb.
İdmançımız Amerika Birləşmiş Ştatlarında keçirilən turnirdə yerli Sinjen Smitlə üz-üzə gəlib.
75 kq çəki dərəcəsində mübarizə aparan 29 yaşlı həmyerlimiz elə ilk raundda rəqibini nokauta salıb. Bununla da o, çempionluq kəmərinin sahibi olub.
Qeyd edək ki, sözügedən turnir idmançılara UFC-də iştirak etmək üçün vəsiqə verən Kaliforniyanın bir nömrəli döyüş təşkilatı olan “A1 Combat” tərəfindən təşkil olunub.
Əlavə edək ki, Mirəli Hüseynov bu ilin fevralında “Lights Out Xtreme Fighting” təşkilatında da kəmər qazanıb. İdmançımız yerli Tommi Aaronla üz-üzə gəlib və ilk raundda rəqibini nokauta salaraq kəmərin sahibi olub. Xatırladaq ki, peşəkar karyerası ərzində 11 döyüş keçirən Mirəli Hüseynov bunlardan 3-də məğlub olub, 8 dəfə isə qələbə qazanıb.
Kopyalandı
Seçilmişlər
