Musa Qurbanlı "Qarabağ"ı bu kluba dəyişə bilər

“Qarabağ”ın əsas heyətinə nadir hallarda düşən Musa Qurbanlı karyerasını başqa klubda davam etdirə bilər.

Yerli mediada yayılan məlumata görə, 22 yaşlı hücumçu Təbrizin “Traktor” komandasının diqqət mərkəzindədir.

Son xəbərlərə görə, “Traktor”un rəsmiləri hazırda “Qarabağ”la danışıqlar aparır. İddia olunur ki, onlar Musaya ilyarımlıq müqavilə təklif etməyi planlaşdırır.

Qeyd edək ki, 2019-cu ildən “Qarabağ”ın əsas heyətinə cəlb olunan Musa Qurbanlı 74 matçda 33 qol və 17 məhsuldar ötürmə müəllifi olub. Ağdam təmsilçisi ilə 2 dəfə Azərbaycan çempionu olan forvard ölkə kubokunda da qalib gəlib. Bir müddət “Zirə” klubunda forma geyinən Musa burada 11 görüşdə 2 dəfə fərqlənib. Ötən ilin yayında keçdiyi İsveçin “Yurqorden” kollektivində əsas heyətə düşə bilmədiyinə görə “Qarabağ”a qayıdan Musanın cari müqaviləsi 2027-ci ilə qədərdir.