Pleyeri seçin:
NBA-də yeni çempion məlum olub
NBA-də 2022/23-cü illər mövsümünün qalibi müəyyənləşib.
“Naqqets” və “Hit” arasında həlledici seriyanın 5-ci görüşü Denver şəhərində keçirilib. Oyundan əvvəl final seriyasında 3-1 hesabı ilə irəlidə olan “Naqqets” öz meydanındakı qarşılaşmaya uğursuz başlayıb. İlk period Mayami klubunun üstünlüyü ilə yekunlaşıb: 24-22.
Növbəti hissədə “Hit” fərqi bir qədər də artırıb: 51-44. Ancaq Denver təmsilçisi dönüş etməyə nail olub. 3-cü perioddan başlayaraq təşəbbüsə yiyələnən meydan sahibləri görüşdə 94-89 hesablı qələbə qazanıblar. Bununla da, tarixində ilk dəfə finalda iştirak edən “Naqqets” NBA çempionu olub.
Qeyd edək ki, həlledici seriyada 4-1 hesabı ilə qalib gələn komandanın uğurunda heyətin lideri Nikola Yokiç vacib rol oynayıb. “Hit”lə son görüşdə 28 xal toplayan serbiyalı basketbolçu həm də 16 ribaund və 4 assistlə yadda qalıb.
Kopyalandı
#NBA klubu teqi istifadə olunub
Seçilmişlər
