Pleyeri seçin:
“Neftçi” almaniyalı məşhur futbolçunu transfer edib
Yeni mövsümə hazırlığı davam etdirən “Neftçi” heyətini daha bir futbolçu ilə gücləndirib. “Ağ-qaralar” almaniyalı müdafiəçi Robert Baueri heyətinə qatıb.
Paytaxt komandası ilə 3 illik müqavilə imzalayan 29 yaşlı oyunçu Bakı klubunda 23 nömrəli formanı geyinəcək.
Qeyd edək ki, uzun illər Bundesliqada top qovan Bauer karyerası ərzində ölkəsinin “İnqolştadt”, “Verder” və “Nürnberq” kollektivlərində çıxış edib. Bir müddət Rusiyanın “Arsenal Tula” klubunun da şərəfini qoruyan futbolçu son olaraq Səudiyyə Ərəbistanının “Əl-Tai” komandasında oynayıb. Burada 34 görüş keçirən təcrübəli müdafiəçi 1 qol və 2 məhsuldar ötürmə müəllifi olub.
Kopyalandı
Seçilmişlər
