Pleyeri seçin:
“Neftçi“ futbol klubu Filip Ozobiçlə yolları ayırdı
“Neftçi” klubu xorvatiyalı futbolçu Filip Ozobiçlə yollarını ayırıb. Bu barədə klubun mətbuat xidməti məlumat yayıb.
Bildirilib ki, yarımmüdafiəçinin “ağ-qaralar”la olan müqaviləsinin müddəti başa çatıb və qarşılıqlı razılaşma əsasında yenilənməyib.
Ozobiç “Neftçi”yə 2023-cü ilin yayında transfer olunmuşdu. O, qısa müddət ərzində komandanın əsas heyət üzvlərindən birinə çevrilmişdi. Təcrübəli futbolçu bu dövr ərzində müxtəlif turnirlərdə 70 rəsmi matçda iştirak edib və ümumilikdə 16 qolun müəllifi olub.
Onun meydana çıxışları azarkeşlər və klub rəhbərliyi tərəfindən bəyənilsə də, tərəflər yeni müqavilə bağlamaq qərarına gəlməyiblər. Klub Filip Ozobiçə xidmətlərinə görə təşəkkür edib və gələcək karyerasında uğurlar arzulayıb.
Kopyalandı
