“Neftçi” komandası “Araz-Naxçıvan”la üz-üzə gəlib

Azərbaycan Premyer Liqasında 30-cu turun daha bir oyunu keçirilib.

“Neftçi” kollektivi “Araz-Naxçıvan”la üz-üzə gəlib.

"Neftçi Arena"da keçirilən qarşılaşmada hesab artıq 1-ci dəqiqədə açılıb. Brayan Moreno hədəfi dəqiq nişan alıb. 45-ci dəqiqədə “ağ-qaralar” fərqi 2-yə çatdırıb. Rəhman Hacıyev “Araz-Naxçıvan” azarkeşlərini məyus edib. Paytaxt təmsilçisi fasiləyə 2-0 hesablı üstünlüklə yollanıb. İkinci yarıda fərq 3-ə çatıb. 87-ci dəqiqədə İqor Ribeyro avtoqol müəllifi olub.

Beləliklə, doğma meydanında 3-0 hesablı qələbə qazanaraq xallarının sayını 47-yə çatdıran "Neftçi" turnir cədvəlində 2-ci pilləyə yüksəlib. 32 xalı olan Naxçıvan təmsilçisi 8-ci sıradadır.

Qeyd edək ki, “Neftçi” növbəti turda “Zirə”nin qonağı olacaq. “Araz-Naxçıvan” isə “Səbail”i sınağa çəkəcək.