“Neftçi” Premyer Liqanın 12-ci turunda “Araz-Naxçıvan”ı qəbul edir

“Neftçi” komandası bu gün Azərbaycan Premyer liqasında növbəti görüşünü keçirəcək.

9 xalla turnir cədvəlinin 8-ci pilləsində olan “ağ-qaralar” 12-ci turda 3-cü pillədə qərarlaşan “Araz-Naxçıvan”la üz-üzə gələcək. “Neftçi Arena”da keçiriləcək və Rəşad Əhmədovun idarə edəcəyi qarşılaşma saat 20:30-da başlayacaq.

Naxçıvan təmsilçisi ilə oyun ərəfəsində paytaxt komandasının heyətində bir sıra itkilər var. Filip Ozobiç, Andre Şinyaşiki, Azər Salahlı, Mustafa Sek, Alfa Konte və Rəhman Hacıyev zədəyə görə matçda iştirak etməyəcəklər. Rafael Quzzonun meydana çıxması isə sual altındadır.

Qeyd edək ki, “Neftçi” Premyer liqanın ötən turunda “Sabah”la qarşılaşıb. Bu matç qolsuz bərabərliklə yekunlaşıb. Ümumilikdə isə “ağ-qaralar” yeni baş məşqçi Samir Abasovun rəhbərliyi ilə artıq 3-cü oyuna çıxacaqlar.