“Neftçi” və “Beşiktaş” müxtəlif sahələrdə əməkdaşlıq edəcək

17 avqust 2023 168 baxış

“Neftçi” və “Beşiktaş” klubları arasında əməkdaşlıq protokolu imzalanıb. Bu barədə Bakı komandasının “Facebook” hesabında məlumat verilib.

Bildirilib ki, Konfrans Liqası matçından əvvəl klub rəsmiləri arasında görüşdə “Neftçi”nin baş icraçı direktoru Fərrux Mahmudov və “Beşiktaş”ın ikinci prezidenti Engin Baltacı bir-birinə xatirə hədiyyələri təqdim ediblər. Daha sonra klublar arasında uzunmüddətli əməkdaşlıq protokolu imzalanıb.

Razılaşmaya əsasən, “Neftçi” və “Beşiktaş” gələcəkdə əsas komandalar arasında yoldaşlıq görüşlərinin keçirilməsi, akademiya məşqçiləri və futbolçuları arasında təcrübə mübadilələrinin aparılması, həmçinin media, marketinq və digər sahələrdə bir-biri ilə qarşılıqlı əməkdaşlıq edəcəklər.

Xatırladaq ki, “Beşiktaş” və “Neftçi” komandaları bu gün Konfrans Liqasının III təsnifat mərhələsinin cavab görüşü çərçivəsində üz-üzə gələcəklər. Qarşılaşma Bakı vaxtı ilə saat 22-də başlanacaq.

#Neftçi PFK